Liebe Helga, liabe Buaba vom Pauli mit Familie, werte Trauergäste
da Pauli hot oa beim Sportverein großes gleistet und sine Spura hinterlo.
Durch sine Initiative isch da Sportverein im Johr 1986 gründat wora, und vo der ersta Minute a isch er als Obmann mit vollem Einsatz dabei gsi.
Weil eam d´Kind und d´Jugend so sehr am Herza gleaga sind, hot er solang gsuacht und verhandlat bis er an passanda Ort für an Fuaßballplatz gfunda hot.
Ou noch sina Zit als Obmann hot er diverse andere Ämter beim Sportverein überno und mitgholfa, wo imma er künna hot. Ma ka säga da Pauli hot füar an Verein gleabt.
Bei Ortsvereineturniera, Hobbymeisterschafta, Rodelrenna, Skirenna, Faschingsveranstaltunga, Ferienlager und Skigymnastik, isch er als Organisator und Helfer immer der Erste und Letzte gsi.
Mitam Fuaßballnochwuchs isch er uf so manches Turnier gfahra und hot d`Kind als Trainer oder Fan tatkräftig unterstützt.
An bsundriga Meilenstein hot da Pauli gsetzt, wo´s um die Sanierung vom Fuaßballplatz und um dean Bau vom Sportheim ganga isch.
Er hot gnau gwisst, wo ma finanzielle Unterstützung und Sponsoragealda kriaga ka, und freiwillige Healfer hot er natürlich immer gfunda.
Sealba hot er selbstverständlich oa voll mitgschaffat.
Ou der tolle Beachvolleyballplatz hond mir dam Pauli zum verdanka. Des war bis zu sinar Krankheit oa grosses Hobby und er hot dean Platz beschtens pfleagat.
An Spaß und a Gaude hond trotz aller Arbat beim Pauli nia gfehlt.
Dank sinam großartiga Einsatz hond mir hüt für alle Lüt so an tolla Sportplatz in da Mühle doba.
Es gäb no viele Sacha vom Pauli zum vazella, die er füarn Sportverein gmacht hot und die mir mit eam erleaba hond dürfa.
Mit sina hilfsbereita und lustiga Art isch er bei Jung und Alt beliebt gsi.
Pauli mir dankend dir für dis großartige Vorbild, du wirsch in üsra Erinnerung witta leaba.
Mir gloaband dass du jetzt an guata Platz im Himmel hoscht.